ஒவ்வொரு விலங்கிற்கும் ஒரு மறுபக்கம் இருக்கும், அவ்வாறு காட்டின் அரசன் என்று அழைக்கப்படும் சிங்கத்திற்கும் இன்னோரு பக்கம் உண்டு அந்த பக்கத்தைப் பற்றிய சுவாரஸ்யமான தகவல்களை பார்போம்
சிங்கம் கர்ஜிக்கும் சப்தம், 8 கிலோமீட்டர் வரை எதிரொலிக்கும் திறன் கொண்டது ஆகும்.
2005-ம் ஆண்டு எத்தியோப்பியாவில் ஓர் இளம் பெண்ணை ஏழு ஆண்கள் மிக கொடுமையாக தாக்கிகொண்டிருந்தனர். அப்போது ஓர் சிங்க கூட்டம் அவர்களை விரட்டிவிட்டு, அந்த பெண்ணுக்கு உதவி வரும் வரை உடன் இருந்தன என்ற ஓர் செய்தி வெளியானது குறிப்பிடத்தக்கது.தீக்கோழி ஒரே உதையில் மனிதர்களை மட்டுமின்றி சிங்கத்தையும் உயிரிழக்க வைத்திடுமாம்.
காட்டில் வாழும் ஆண் சிங்கம் பத்தில் இருந்து பதினான்கு ஆண்டுகள் வரை உயிர் வாழும்.
பெண் சிங்கங்களுக்கு பிடரிமயிர் அதிகமாக இருக்கும் ஆண் சிங்கங்களின் மீது தான் அதிக ஈர்ப்புக் கொள்ளுமாம்.
பூனை குடும்பத்தில் புலிக்கு அடுத்து இரண்டாவது பெரிய விலங்கு சிங்கம். சராசரியாக ஓர் ஆண் சிங்கம் 250 கிலோ வரை இருக்கும்,
சிங்கங்களில் வேட்டையாடுவதில் 90% பெண் சிங்கங்கள் தான். ஆண் சிங்கங்கள் மிகவும் அபூர்வமாக தான் வேட்டைக்கு செல்லும்.
பெண் சிங்கம் மற்றும் ஆண் சிறுத்தை கலப்பில் பிறந்தது தான் லேப்போன். இந்த லேப்போன் தலை மட்டும் பெண் சிங்கத்தை போலவும், ஏனைய உடல் சிறுத்தையை போலவும் இருந்தது.
மலை சிங்கங்கள் அதனுடைய இரையை புதைத்து வைத்துவிட்டு, பசிக்கும் போது மீண்டும் எடுத்து உண்ணும் பழக்கம் கொண்டுள்ளது.
சிறுத்தைப்புலிக்கும், பெண்சிங்கத்திற்கும் உள்ள உடல் மற்றும் தலை அமைப்பு கிட்டத்தட்ட ஒரே மாதிரி இருக்கும்.
பூனை குடும்பத்தில் இருக்கும் புலியில் இருந்து சிங்கம் வரை அனைத்து விலங்குகளுக்கும் இனிப்பை சுவைக்கும் திறன் கிடையாது. அதாவது, இனிப்பு ருசியை உணர முடியாதாம்.சிங்கங்களின் கூட்டத்தை எதிர்த்து சண்டையிடும் துணிச்சல் முள்ளம்பன்றிக்கு இருக்கிறது.
