மருதாணி இந்தியாவின் பண்டைய கலாச்சாரத்தின் அங்கமாகும், அதன் அழகியல் மற்றும் மருத்துவ குணங்களால் மிகுந்த வரலாற்றை கொண்டுள்ளது. மருதாணி இலைகள், உலர்ந்தவையாகக் கொண்டு அழகான அலங்கார வடிவங்களை உருவாக்குவதற்கான முக்கிய மூலிகையாக அறியப்படுகிறது. இவை இந்தியா, ஆப்பிரிக்கா மற்றும் மத்திய கிழக்கு நாடுகளில் பெண்களுக்கான முக்கிய அழகியல் சாதனமாக இருக்கிறது.
மருதாணி இலைகள் அற்புதமான மருத்துவ குணங்களால் நிரம்பியுள்ளன. இதன் ஆன்டி-ஆக்ஸிடெண்ட் மற்றும் ஆன்டி-இன்பிளமட்டரி தன்மைகள், உடல் ஆரோக்கியத்திற்கு பல நன்மைகளை வழங்குகின்றன.தோல் நோய்கள் மற்றும் சூடு போன்ற பிரச்சினைகளை குணமாக்க மருதாணி உதவுகிறது. மேலும் மருதாணி இலைகளைப் பயன்படுத்தி தயாரிக்கப்படும் எண்ணெய்கள், முடி ஆரோக்கியத்தை மேம்படுத்தி சருமத்திற்கு புதிய தோற்றம் தருகின்றன.
மருதாணி கிருமி நாசினியாகவும் செயல்படுகிறது இது கண்ணுக்குப் புலப்படாத கிருமிகளை அழிக்கவும், நக சுத்தியை தடுக்கும் வகையில் உதவுகிறது. உள்ளங்காலில் ஆணி ஏற்பட்டால் மருதாணி இலைகளை, வசம்பு மற்றும் மஞ்சள் கற்பூரம் சேர்த்து அரைத்து, காயம் உள்ள இடத்தில் கட்டிவைத்தால், விரைவில் குணமாக்கும் திறனை கொண்டுள்ளது.
மருதாணி, பாரம்பரிய இந்திய சடங்குகளில் முக்கியமான ஒரு பகுதி ஆகும். இது உள்ளத்தின் வெளிப்பாடு என்ற கருத்தை பிரதிபலிக்கிறது. இதனால் மருதாணியின் அழகியல் வடிவங்கள் இந்திய கலாச்சாரத்தில் தனித்துவமாக உள்ளது. பெண்கள் தங்களின் கைகள் மற்றும் கால்களில் மருதாணி அலங்காரங்களைப் பயன்படுத்தி தனது பாரம்பரியத்தை மகிழ்ச்சியுடன் கொண்டாடுகிறார்கள்.
இன்று இளநரையை அகற்ற மற்றும் கருந்தேமல்கள் குறைக்க உதவும் இயற்கை தீர்வுகளில் மருதாணி பரவலாகப் பயன்படுத்தப்படுகிறது. கழுத்து மற்றும் முகத்தில் உள்ள கருந்தேமல்கள், மருதாணி இலையுடன் குளியல் சோப்பு சேர்த்து அரைத்து பூசுவதால், விரைவில் மறைந்து விடும்.
முடிவாக மருதாணி அதன் அழகியல் மற்றும் மருத்துவ குணங்களால் முக்கியமான ஒரு மூலிகையாக இந்திய கலாச்சாரத்தில் தனி இடம் வகிக்கிறது. இதனை உங்கள் அன்றாட வாழ்வில் இணைத்து ஆரோக்கியத்திற்கும் அழகிற்கும் பல பயன்களை அனுபவிக்கலாம்..
By salma.J
