காரட்கள், எடை அலகுகள் மற்றும் நிறங்கள் ஆகியவை கட்டிகள், நாணயங்கள் அல்லது நகைகள் என எந்த வடிவிலான தங்கத்தையும் வாங்கும் முன் நீங்கள் அறிந்து வைத்திருக்க வேண்டிய முக்கியமான வார்த்தைகளாகும்.
நீங்கள் தங்கம் வாங்க விரும்புகிறீர்கள். ஆனால் நீங்கள் அதை மிகவும் கவனமாக வாங்குகிறீர்களா? தங்கத்தை வாங்கும் போது நீங்கள் கவனிக்க வேண்டிய முக்கியமான சில கேள்விகள் -
தங்கத்திற்கு BIS ஹால்மார்க் முத்திரையிடப்பட்டுள்ளதா?
நீங்கள் BIS ஹால்மார்க் நகை விற்பனையாளரிடம் தான் தங்கத்தை வாங்குகிறீர்களா என்பதை உறுதிப்படுத்துவது அவசியமாகும்.நீங்கள் வாங்கிய நகையில் BIS ஹால்மார்க் முத்திரை இருக்கிறது என்பதை உறுதிப்பத்துவது மிகவும் முக்கியமாகும்.
ஹால்மார்க் குறித்து உங்களிடம் ஏதேனும் புகார்கள் மற்றும் கேள்விகள் இருந்தால், நீங்கள் BIS –ஐ தொடர்பு கொள்ளலாம்.BIS-ஹால்மார்க் சான்றளிக்கப்பட்ட நகைகளின் பற்றாக்குறை குறிப்பாக கிராமப்புற இந்தியாவில் பரவலாக காணப்படுகிறது, இது வருடாந்திர நகை வாங்கல்களில் 60% -க்கும் அதிகமாகும். ஒரு சிறிய நகரத்தில் அல்லது உங்கள் கிராமத்தில் தங்கம் மலிவானதாக இருந்தாலும், அதில் ஹால்மார்க் முத்திரையிடப்படாவிட்டால், அதை வாங்க வேண்டாம்.
ஒரு கிராம் தங்கத்தின் விலையை சரிபார்க்கவும்
நகை வரும் விதம் நகரத்திற்கு நகரம் மாறுபடுகிறது மேலும் இது பல்வேறு தங்க நகை வியாபாரிகள் சங்கங்களில் முடிவு செய்யப்படுகிறது. மிகப் பெரிய நகைக் கடைகள் எப்போதும் அதே விலையில் தான் விற்கின்றன.தங்கத்தை வாங்குவதற்கு முன் ஒரு கிராம் தங்கத்தின் விலையை ஒன்றுக்கு மேற்பட்ட நன்கு அறியப்பட்ட ஷோரூமில் சரிபார்ப்பது நம்பகமானதாகும் அல்லது நீங்கள் நம்பகமான வலைத்தளங்களில் விலைகளை பார்க்கலாம்.
உண்மையில் உங்களுக்கு எவ்வளவு தங்கம் கிடைக்கும்?
ஒரு கிராம் விலை தவிர, வாங்குபவர் சேதாரத்திற்கும் பணம் கொடுக்க வேண்டும் (கணக்கிடும் முறை நகைக்கு நகை மாறுபடுகிறது இது நகைக் கடைக்காரருக்கு மட்டும் தான் தெரியும்). மேலும், சில சந்தர்ப்பங்களில் செய்கூலியும் கொடுக்க வேண்டும். ஒரு நகைக்கு காசு கொடுத்து முடித்ததும், செய்கூலி மற்றும் சேதாரம் விலைப் பட்டியலிலிருந்து காணாமல் போய் விடுகிறது, ஆனால் அது உங்களுக்கு தெளிவை ஏற்படுத்தவில்லை, இல்லையா?
நீங்கள் செலுத்திய விலைக்கு எவ்வளவு தங்கம் உங்கள் கைக்கு வந்திருக்கிறது என்பதை கண்டறிவதே அதை தெளிவாக புரிந்துகொள்வதற்கான ஒரு சிறந்த வழியாகும்.
தங்கத்தை திரும்ப வாங்கும் விதிகளை சரிபார்க்கவும்
மேலும், நீங்கள் பின்னால் ஒரு நாளில் புதிய டிசைனுக்கு மாற்றிக் கொள்வதற்காக நகைகளை திருப்பிக் கொடுத்தால் நகைக் கடைக்காரர் என்ன விலை கொடுத்து வாங்குவார் என்பதையும் கேட்டு அறிந்துகொள்ளவும்.மேலும், மாற்றிக்கொள்ள மற்றும் திருப்பி வாங்க ஏதேனும் காலம் மற்றும் கொள்கை இருக்கிறதா என பார்க்கவும் மற்றும் அவற்றை அறிந்து வைத்துக் கொள்ளவும். புகார் செய்வதற்கான காரணம் ஏதேனும் உங்களிடம் இருந்தால் இது நீங்கள் திருப்பிக் கொடுக்கலாம் என்பதை உறுதிப்படுத்தும்.
பில்லை கேட்டு வாங்குங்கள்
இவை அனைத்தையும் உறுதிப்படுத்த, பில்லை கேட்டு வாங்க வேண்டும்.நீங்கள் மதிப்புக் கூட்டு வரி செலுத்த வேண்டும்; நீங்கள் ரூ. 50,000 க்கும் அதிகமாக வாங்கியிருந்தால் உங்கள் நகைக் கடைக்காரரிடம் உங்கள் PAN விவரங்களை கொடுக்க வேண்டும்.ஆனால் வாங்கும் பொருளின் முக்கிய விவரத்தையும் குறிப்பிடும் ஒரு பில் நீண்ட காலத்திற்கு வெளிப்படைத் தன்மையையை உறுதிப்படுத்தும் மற்றும் உத்தரவாதமளிக்கும். ஒருவேளை நீங்கள் ஒரு நுகர்வோர் நீதிமன்றத்தை அணுக வேண்டிதிருந்தால், அது உங்களுக்கு உதவும்.
சில சில்லறை தங்க விற்பனையாளர்கள் விலைப்பட்டியலுக்கு பதிலாக சில சலுகைகளைத் தருவதைப் பற்றியும் அல்லது ஒரு சாதாரண காகிதத்தில் தற்காலிக ரசீதைத் தருவதைப் பற்றியும் கேள்விப்பட்டிருப்பீர்கள்.
தங்கம் வாங்கும் போது நிரந்தர விலைப்பட்டியல் வேண்டும் என்று நீங்கள் வலியுறுத்த பல காரணங்கள் இருக்கின்றன.
தற்காலிக ரசீது என்பது ஒரு வியாபாரி தன்னுடைய வாடிக்கையாளருக்கு அவருடைய கணக்குப் புத்தகத்தில் பிரதிபலிக்காத ஒரு பொருளை வாங்கும் போது வழங்குவதாகும். இதனால் அவர் வருமான வரி செலுத்துவதை தவிர்க்க முடியும், மேலும் வாடிக்கையாளர் பல்வேறு வரிகளை செலுத்துவதையும் தவிர்க்கிறது (தற்போது ஜிஎஸ்டி).
ஒரு நிரந்த ரசீதோ அல்லது விலைப்பட்டியலோ சட்டப்படியான பரிவர்த்தனையை அடிப்படையாகக் கொண்டது. மேலும் பின்வரும் பல விவரங்களை வழங்குகிறது:
1.வாங்கிய தங்கத்தின் தூய்மை
2.நகையின் பெயர் மற்றும் குறியீடு
3.தங்கத்திற்காக நீங்கள் செலுத்தும் மிகச் சரியான அளவு தொகை மற்றும் செய்கூலி மற்றும் சேதாரம் போன்ற கூடுதல் கட்டணங்களை குறைப்பதற்காக.
4.நகைக்கடைக்காரரின் ஜிஎஸ்டி அடையாள எண்.
தங்கம் வாங்குபவர் என்கிற முறையில் தங்கம் வாங்கும் ரசீதைத் தரச் சொல்லி வலியுறுத்த வேண்டியது உங்கள் பொறுப்பாகும். இந்த விலைப்பட்டியல் நீங்களும் நீங்கள் மிகவும் போற்றும் தங்க நகையும் எப்பொழுதும் பாதுகாக்கப்படுவதை உறுதி செய்கிறது.
